韓國大創Daiso又推出一系列少女心爆發商品，Shut up and take my money! 繼之前介紹同大家介紹過嘅櫻花系列之外，今次韓國大創推出全新Peach Lover系列，以蜜桃橘色為主調，打造一系列超粉嫩文具同家居小物！
今次韓國大創Peach Lover系列推出嘅產品多不勝數，唔單止有文具，更加有辦公室專用嘅鍵盤、滑鼠、記事簿、水杯，連貼身物品唇膏、有護手霜、腮紅、護唇膏、指甲油、美甲組都應有盡有！甚至連其他家居物品，例如：帆布袋、手拿鏡、化妝包、小盤子、圍裙都應有盡有。今次韓國大創推出嘅Peach Lover系列實在包羅太多唔同類型嘅單品，有興趣入手嘅朋友快啲到佢哋官網購買啦！
