最近興起一股飲茶文化，但係街邊既手搖飲品多飲無益，如果你成日心思思想飲茶既話，不妨沖返杯花茶，既養身又養眼～所以今次就會同大家分析幾種花茶既不同功效，即刻睇下啦！
玫瑰花茶
玫瑰花既好處多多，睇得用得仲飲得！
玫瑰花茶能夠降火氣、調理血氣、促進血液循環、美容養顏，消除疲勞，平復情緒，保護肝臟腸胃功能，長期飲用有助於促進新陳代謝，仲可以令平時快面無咩血色既女生變得面色紅潤架！
由於玫瑰花茶活血懷孕人士最好透過諮詢醫生再飲，經期時都盡量避免飲啦～
薰衣草茶
飲薰衣草茶可以幫助淨化心緒，舒解壓力。鬆弛神經，幫助入眠。舒緩頭暈、頭痛、偏頭痛。改善初起感冒、流鼻水及口乾舌燥。如果你感到精神壓力大時，不妨沖返杯黎飲下～
同樣，孕婦最好先資詢中醫師意見再使用薰衣草。
洛神花茶
洛神花有清熱去火既功效，夏天飲可以降火，對喉嚨都有好處，不過由於洛神花性涼，所以生理期、妊娠期既女性就唔建議去飲啦～
洋甘菊
洋甘菊性質微寒，功效亦與菊花類似，都有清肝明目、降血壓及可清熱安神的功效；如有風熱感冒、易流眼水及易暴躁人士，都宜飲洋甘菊茶清肝火。2005年英國倫敦皇家學院研究發現，只要連續14日飲用洋甘菊茶，之後就算停止飲用，保健功效仍可持續長達2星期既時間，可見洋甘菊既成分可以長期影響人體機能。同樣，孕婦最好先資詢中醫師意見再飲用。
茉莉花茶
茉莉花具有清熱解毒、利濕、安神、鎮靜作用，可治下痢腹痛、目赤腫痛、瘡瘍腫毒等病症。茉莉花茶既保持左茶葉既苦甘涼功效，由於加工過程為烘製而成為溫性茶，而具有多種醫藥保鍵功效，可去除胃部不適感，融茶與花香保健作用於一身， 仲可以幫助消除水腫添。
今次同大家分享既花茶都好容易沖，只需要係商店買相應既花花，經過沖洗再用滾水沖泡就可以啦！一邊飲仲可以一邊聞香同欣賞～快d去試下啦！