大家一定都會希望影好多靚相po係Instagram啦～但好多時候都唔知應該係影相時擺個咩post好，今次就會教大家如何自然地擺出大方得體又好睇既影相姿勢，快d學起佢啦！
招數一：邁開腿，邊行邊影
重點：唔好駝背，挺起胸膛自然地行，雙眼望遠方，總之唔好望鏡頭就岩啦！
招數二：回眸一笑
重點：唔好擰頭擰得太大力，最好三七面，左邊面好睇既影左邊，右邊面好睇既影右邊，最後記得帶上你迷人既笑容就ok啦！
招數三：心機托腮
重點：唔好真係成隻手托曬落去！留意返，好睇既托腮相隻手都會留有少少空間，就好似捉住左d野咁，咁先顯得塊面細同迷人呀～
招數四：溫柔地抓頭髮
重點：記住一路抓頭髮一路show出你迷人既輪廓，jawline會係呢個時候成為焦點，影既時候唔怕打d陰影落去，塊面太圓潤影出黎就唔靚啦～
今次教大家4招影出自然靚相，大家學識左未呢？下次影相時就要記得點用啦！