【買唔到大陸Starbucks櫻花貓爪杯？】日本Village Vanguard推出全新可愛貓咪腳仔杯！

大陸Starbucks最近推出嘅「櫻花貓爪杯」響網絡爆紅，甚至俾人炒貴10倍，就連小編都搶唔到啦。唔知大家又買唔買到呢？而「櫻花貓爪杯」斷晒貨之後，日本亦都有廠商推出類似嘅可愛貓咪腳仔杯，相比起Starbucks嘅別具特色！

日本雜貨商城「Village Vanguard」推出嘅可愛貓咪腳仔杯共有一大一細兩個容量款式，成隻杯嘅形狀就好似一隻可愛貓咪嘅腳仔，反轉杯底就發現杯底有著令人少女心爆發嘅粉紅小肉球，細節位拎滿分！有興趣嘅朋友快啲去Village Vanguard入手啦！