召集所有哈利波特粉絲！自從哈利波特小說喺1997年推出第一版開始，就成為好多香港人嘅熱愛電影系列。而最近美國首飾品牌ALEX AND ANI，就推出一系列以哈利波特電影為主題嘅限定手鐲，淨係睇過外表都已經令人心心眼，連小編都私心入手咗兩個啊！
ALEX AND ANI《哈利波特》限定手鐲以於《哈利波特：混血王子的背叛》中出現嘅Love Potions 「愛情魔藥」為設計主軸，電影入面榮恩更因為誤飲愛情魔藥愛上女同學！限定手鐲以浪漫嘅玫瑰金配色，配上可愛精緻小樽仔，將哈利波特經典劇情重現喺一隻限定手鐲中！而除咗「愛情魔藥」外，亦都有寫上字樣嘅「The ones that loves us never really leave us」低調款式，啱晒一種唔鍾意太高調但又鍾意哈利波特嘅粉絲。ALEX AND ANI《哈利波特》限定手鐲已上架，快啲到ALEX AND ANI官網入手啦！
