唔經唔覺夏天又就嚟到喇！夏天就緊係著比基尼嘅時候啦～但係如果你同小編一樣，新年食得太多，成個肚腩凸咗出嚟咁點算好？韓國搞笑藝人金申英最近就分享佢嘅減肥秘訣，用咗一番努力就成功減咗34公斤，相比俾其他減肥偏方，金申英減肥方法三大原則，十分之簡單，你又做唔到呢？
少食多餐，少食多滋味～
被問到最緊要嘅減肥秘訣，金申英就話一定係少食多餐～以下就係佢一日嘅餐單嚟睇吓你又跟唔跟到啦～
早餐前︰高蛋白奶昔
早餐︰糙米飯一碗配雞胸肉炒菜
午餐︰番薯1條、雞胸肉100克及一份燙過的蔬菜
晚餐︰和午餐一樣，番薯1條、雞胸肉100克及一份燙過的蔬菜
雞胸肉是減肥佳品，能夠補充大量蛋白質
宵夜︰杏仁、烤豆、高蛋白奶昔或三隻雞蛋
睡前︰高蛋白飲品一杯
堅持每日運動2小時
我知道香港人工作繁忙，邊有時間拎每日兩個鐘出嚟呢～但其實真正做運動，唔一定落街跑步咁勞師動眾嘅，喺屋企拉吓筋、跳下舞都可以有減肥效果㗎啦！
甜食替代法
呢個可以話係對小編最重要嘅減肥秘訣！夏天最好就梗係食雪糕啦～但係如果你減肥嘅時候食甜食就會事倍功半，金申英秘訣就係將提子汁凍到變成雪條，咁樣又可以有雪條嘅食╴又唔會肥，一舉兩得！