婚紗每一個女仔一世人只會著一次。最想緊係著一件又靚又有意義嘅婚紗啦！小編最想嘅就一定係著返件同童話故事公主系列嘅婚紗禮服，最鍾意嘅就當然係「愛麗絲夢遊仙境」啦！最近日本Kuraudia就推出最新系列－「迪士尼婚紗禮服系列第4彈」，以小編私心喜愛嘅「愛麗絲夢遊仙境」作主題，打造一系列男女裝婚紗禮服！
Kuraudia「迪士尼婚紗禮服系列第4彈－愛麗絲夢遊仙境」唔單止有以藍色為主調愛麗絲經典造型，同時亦有米白色設計，典雅胸前蕾絲，配上富有層次裙擺嘅傳統白紗設計。婚禮入邊新郎亦都係主角，Kuraudia最新系列男裝禮服就以「瘋帽客」同「白兔先生」為設計概念，可愛又不失奢華感。Kuraudia「迪士尼婚紗禮服系列第4彈－愛麗絲夢遊仙境」將於2019年秋季開始接受預訂！
