【旅遊危機】去旅行都要心慌慌…酒店房門免匙卡2秒即打開

去旅行除咗想食得出色，玩得招積，當然仲想住得舒適啦！相信有唔少旅行愛好者都聽過酒店房間危機四伏，好似有人用熱水煲幫底褲消毒、毛巾抹完地又抹身等。近日就有美國華盛頓律師發現入住嘅酒店房門極之唔安全，究竟發生咩事呢？

酒店房門免匙卡2秒即打開

去旅行最怕唔安全，特別身在異地，畀人偷財物就真係會嚇到心慌慌。近日一名來自美國華盛頓嘅律師就喺YouTube上傳一條片，指新年期間同妻子入住嘅酒店極之唔安全，原因係唔使用房門匙卡就可以輕鬆打開房門！