BANDAI罪大滔天！繼推出令一眾男朋友JUMP FORCE後，知名日廠BANDAI 萬代玩具公司向一眾女士入手，旗下「GASHAPON」扭蛋部門將去年年底推出過嘅「寵物小精靈可愛排隊姿勢(ポケモン まえならえまーち ふぃぎゅあ)」扭蛋系列復刻，一隻隻人氣寵物小精靈好可愛咁排著隊等你帶曬佢哋返屋企！
「寵物小精靈可愛排隊姿勢(ポケモン まえならえまーち ふぃぎゅあ)」扭蛋系列將收錄有「比卡超」、「伊貝」、「奇妙種子」、「小火龍」與「車厘龜」五隻人氣寵物小精靈，一隻一隻搭住膊頭排隊，少女心大爆發！「寵物小精靈可愛排隊姿勢(ポケモン まえならえまーち ふぃぎゅあ)」扭蛋系列將於今個四月復刻，單隻參考售價約300（税込）元日幣。
