日日翻工又大壓力又悶，如果可以喺電腦前放啲得意嘢就好啦！日本VILLAGE VANGUARD喺最近就推出一系列獵奇恐龍文具組，兇猛得嚟又做出可愛動作，反差萌爆燈又實用！實在係小編必備辦公室療癒系小物！
暴龍釘書機
暴龍血盆大口同銳利的牙齒剛好變成釘書機，每口釘好似大大力咬落文件到，減壓一百分！
暴龍膠紙座
兇猛暴龍居然會好似貓貓噤反肚畀你摸？！暴龍膠紙座撕膠帶的部分仲放喺血盆大口到，反差萌爆燈！但小編私心鐘意三角龍款啦！
三角龍電話座
電話座可以話係工作必備良品，唔洗拎起電話就睇到通知資訊。而VILLAGE VANGUARD恐龍文具組電話座有齊三角龍、速龍同暴龍！
三角龍眼鏡架筆筒
三角龍眼鏡架筆筒故名思義可以一筒兩用，前面放眼鏡，後面放筆，無得頂！
有興趣入手VILLAGE VANGUARD一系列獵奇恐龍文具組？快啲去到官網入手啦！