百變小櫻都推出聯名手袋啦！百變小櫻唔單止係一眾香港女生嘅童年回憶，更加係其中一套充滿香港元素嘅日本動畫。唔信？百變小櫻曾經喺1999年推出過《百變小櫻劇場版：小櫻的香港之旅》，故事都在香港發生！
而今次百變小櫻聯手日本時裝品牌「DRESSCAMP」推出聯名手袋。推出一系列小櫻可愛包款，單肩包、手袋仔、長夾、散銀袋應有盡有！百變小櫻Fans點可以錯過？！
單肩包包型以動畫造型作設計藍本，打造出以可愛正方形日式單肩包，分別設有紅色與粉紅色兩款配色，包身上更有小可壓花，可愛感爆棚；而手袋仔用上雙色設計，紅色搭配粉紅色，比單肩包更優美。（小櫻單肩包 日幣16,200円、小櫻手袋仔 日幣16,200円）
而長夾實用性十分高，放曬日常用品都完全無問題！DRESSCAMP x 百變小櫻現已接受預訂，並預計於6月發貨！（小櫻長夾 日幣12,960円、小櫻零錢卡夾 日幣11,880円）
