一年一度嘅新春國際匯演之夜聽晚上演啦！自1996年，香港旅遊發展局每逢大年初一都呈獻新春國際匯演之夜，五光十色的花車魚貫前行，伴著表演隊伍載歌載舞，2011年更列入「全年十大盛事」之列！今個新年，你又點可以錯過？Beautie Story話你知三個睇花車靚位啦！
觀眾席
排第一位當然係觀眾席！如果你想舒舒服服睇花車，就要提早去列位於尖沙咀天星碼頭嘅香港旅遊發展局旅客諮詢中心買入場券。記得每人每次限購四張，售完即止！
Sheraton Hong Kong Hotel & Towers－The Café
年初一同屋企人食住Buffet睇花車亦係一大樂事！Sheraton Hong Kong Hotel & Towers嘅The Café唔單止有齊各國美食，餐廳仲有大大塊落地玻璃直望花車路線，邊食Buffet邊睇花車你最識嘆！
彌敦道－帝國酒店前行人路
喺路邊睇花車又去邊度呢？唔想早早霸位，盡用時間拜年嘅你，可以去到人流比較少嘅彌敦道，尤其係帝國酒店前行人路最易搵到好位盡情享受新春國際匯演之夜！
如果不想太早去霸位，可以來到人潮較少的彌敦道，在香港金域假日酒店或帝國酒店前的空間較為寬闊，大家可以較容易找個好位置看花車，而且到了巡遊尾聲，表演者會較熱烈與觀眾進行互動，氣氛會較好。
花車巡遊路線
巡遊隊伍由香港文化中心廣場出發，沿廣東道、海防道、彌敦道及梳士巴利道前行，以香港喜來登酒店外為終點。