成日想減肥但係成日都懶得做運動，同朋友聚餐唔小心食多左，真係令人煩惱，應該點算好？如果可以既話，我真係咩都唔想做～各位女生留意！宜家就分享一d輕鬆瘦落黎既tips比大家！一齊hea住瘦～
- 深呼吸減肥法
美木良介既深呼吸減肥法示範 https://www.youtube.com/watch?v=nq1kAlvlLCM
你有無諗過，你每一日都呼吸，但係呼吸竟然可以做到減肥既效果？呼吸減肥法源於日本，有唔少實驗都證明呼吸減肥法既有效性，美木良介就靠「深呼吸減肥法」輕鬆瘦身。只要你每日用2分鐘去深呼吸，每分鐘做6次深呼吸，2個星期後就可以感受到身體既變化。「深呼吸減肥法」，唔單只受大眾追棒，連日本藝人都做緊，係三個月就瘦左30幾kg，效果非常驚人！
2. 8杯水減肥法
水係生活當中既必需品，德國科學家就提出「8杯水減肥法」，係每日按時飲水後，唔少網友都發現自己皮膚變好，只要你飲岩方法，一個月就可以瘦5kg！究竟係點樣做到？
第一杯：起身之後飲一杯溫水，客語提升代謝、幫助自己排出體內既毒素、避免便秘。
第二杯：上午9點飲，9點到11點，走脾經，係腸胃排毒的時機，適當飲溫水可以幫助腸胃排除體內毒素。
第三杯：中午11：30飲，中午係心臟排毒既顛峰時期，午餐前飲一杯溫水可以增加飽腹感，以免午餐食太多。
第四杯：下午1點飲，幫助血液暢流，係飯後半小時飲一杯溫水可減緩腸胃負擔，並促進消化及排毒。
第五杯：下午3:30飲，到下午茶時間容易口痕，呢個時候飲返杯水可以減低食慾，距離減肥又近左！
第六杯：下午5:30飲，接近放工時間好想食d零食？呢個時候飲水就岩啦，飲杯溫水消除疲勞，去多幾轉廁所，距離瘦身唔遠啦～
第七杯：晚上7點，呢個時候係身體血液循環旺盛期，加上收工返屋企後係身體比較放鬆既階段，研究指出呢個時間飲水跟同動有同樣效果，仲唔快d飲？！
第八杯：晚上9點，雖然訓覺唔會覺得口渴，不過身體卻默默地係度流失緊水分，訓前2小時適量喝水可防止血液黏稠，有助於血液循環。檸檬水減肥法
3.檸檬水減肥法
城市人生活壓力大，加上三餐唔定時，食飯多肉少菜食到皮膚都差左。仲好容易有消化不良，便秘等問題。呢個時候飲檸檬水就岩啦～ 檸檬當中含有大量既維他命C，可以令皮膚更加白皙，有美白既效果之餘，仲可以幫助排便，減少廢物堆積係我地既身體當中！檸檬含有可溶性纖維素果膠可以增加飽腹感，令你工作時少食零食，從而幫助控制體重。
另外，仲可以平衝我地身體既酸鹼度，增強抵抗力。趙薇更靠飲檸檬水成功甩走7kg肥膏呢！
4. 睡眠減肥法
日本專家左藤桂子指出，只要我地有正確睡眠方式，就等於你慢跑左1個鐘，消耗左約300卡路里！原來，唔需要做劇烈運動，只要你按時乖乖訓教，身體就可以係夜晚分解脂肪，成效等於慢跑左1個鐘！專家指出「正確睡眠」既3大原則分別係：訓著後既3小時唔可以被吵醒、凌晨3點必須係睡眠狀態、一日總睡眠時間為7小時。以後12點前仲唔乖乖訓教？
減肥係女性既終身事業，宜家可以輕輕鬆鬆瘦，真係要即刻mark低啦！