夏天嘅美甲款式除咗要做到精緻優雅之外，仲需要有上一份清涼嘅感覺。今次嘅分享當中，為大家準備左唔少適合夏天嘅美甲款式，一齊嚟睇吓啦！
好多女仔鍾意湖水綠，所以喺夏天呢隻顏色都成為咗美甲嘅首選顏色。本身湖水綠就已經比較輕柔夢幻，有少少清新脫俗嘅感覺，再加上少少點綴，真係好想快啲去換上新嘅美甲。
另外，粉紅色一直都係女生腦海中名列前茅嘅顏色選項。喺夏天，將淡淡嘅粉紅色點綴係指尖，為自己增添一份屬於年輕既活力，少女感即刻提升咗！
充滿朝氣嘅夏天，又點樣可以少左元氣十足嘅黃色？好似一啲人氣花花：雛菊同向日葵都同黃色非常之搭配，鮮艷嘅黃色令人充滿精神！
不得不提嘅就係紅色嘅美甲，因為紅色係非常之令皮膚顯白嘅顏色！唔單可以美化自己嘅指甲，仲可以瞬間提亮左自己嘅手指膚色，增添女人味。而紅色同頭先所提及嘅粉紅色亦都可以互相搭配，相得益彰。
如果你想行優雅嘅路線，咁白色真係再適合不過嘅顏色！夏日炎炎，選擇簡單嘅白色，唔單止端莊，而且仲非常之高貴大氣。而有好多鍾意法式美甲嘅女生，首選亦都係白色呢！
最後，為大家搜集左一啲非常之適合夏天bling bling閃亮亮嘅美甲款式，有少少高調奢華嘅味道，適合鍾意去party嘅派對女王，呢啲奪目嘅款式簡直係為你量身定造。
分享左咁多唔同嘅款式，唔知你睇中邊款？今個夏天，同好朋友約定一齊去換一款靚靚指甲啦！