【夏日熱辣辣～】韓國Kakao Friends桌上小風扇登場！

夏日熱辣辣，去到夏天就要買返把小風扇來為身體降溫～但係好多小風扇造型十分之老土，放喺公司檯中都唔想用～而最近韓國就推出全新Kakao Friends桌上小風扇，可愛度爆分！

韓國Kakao Friends桌上小風扇以大熱Kakao Friends作設計主題。設計造型唔單止沿用Kakao Friends設計風，仲有兩位主角Ryan & Apeach坐喺上面，食西瓜同埋雪糕。最吸引人之處，就係熱帶樹可以360度轉換角度，所有Angle都可以為你降溫。而開關制同叉電位放置於後面，Kakao Friends桌上小風扇現正上架，售價係35,000韓圜（約港幣$234）。