細細個除咗飛行棋之外，玩得最多嘅一定係大富翁！而依個全球累積超過10億玩家，於全球114個國家發行，擁有50年歷史嘅家庭樂Board Game 將於今年8月，於香港山頂廣場開設全球首個讓人身歷其境的主題館 —— 「大富翁夢想世界TM」！親身被鎖入大富翁監獄不是夢！
「大富翁夢想世界TM」室內外佔地二萬呎，唔單止將把銀行、水務局、監獄、地契卡、機會卡、命運卡等經典遊戲元素融入主題館，主題館更加入擴增實境（AR）、全息投影及4D遊戲技術，令參觀者更加投入，盡情享受大富翁夢想世界！
點解選址太平山？原來喺2017年，大富翁推出「大富翁：香港版」，官方舉行一系列活動。當中由香港市民全民參與嘅投票中，太平山脫穎而出，高票當選最高地價的地段，「大富翁夢想世界TM」亦所理成章殺入太平山！
「大富翁夢想世界TM」預計將於今年 6 至 7 月試業，8 至 9 月正式開幕。票價約HKD $300，並有機會設有人及學生優惠。今個8月記得Mark定日子，入場盡情享受大富翁夢想世界，兼打卡啦！
「大富翁夢想世界TM」
開幕日期：預計2019年8 月正式開幕
地址：香港山頂廣場
票價：待定，每人約港幣300元